Türkmenistanyň Kärdeşler arkalaşyklarynyň Lebap welaýat birleşmesiniň guramagynda Türkmenabadyň pagta egriji fabriginiň işgärleriniň bäsleşigi geçirildi.

8-nji mart – Halkara zenanlar gününe bagyşlanan bäsleşige dokma senagaty pudagynyň kärhanalarynyň hersinden iki wekil gatnaşdy.

Bäsleşigiň şertlerini doly we dogry ýerine ýetirmekde bäsdeşlerinden öňe saýlanyp, Halajyň Beýik Saparmyrat Türkmenbaşy adyndaky nah ýüplük fabriginiň işgärleri Aknur Şaweliýewa we Aýsoltan Bekmyradowa birinji orny eýelemegi başardylar.

Şeýlelelikde, olar bäsleşigiň döwlet tapgyryna gatnaşmaga hukuk gazandylar.

Ikinji orny Türkmenabadyň tikin fabriginiň eşikleriň täze görnüşlerini döredijiler Nowruzgül Kazakowa bilen Uzukjemal Jümmiýewa eýelediler.

Üçünji orna Türkmenabadyň pagta egriji fabriginiň işgärleri Bägül Janmedowa we Aýjemal Illiýewa mynasyp boldular.

Ýeňijilere bäsleşigiň guramaçylary tarapyndan sowgatlar gowşuryldy.