3-nji fewralda Türkmenistanyň Prezidenti Gurbanguly Berdimuhamedow Oba hojalyk we daşky gurşawy goramak ministrliginiň pagta arassalaýjy kärhanalarynda öndürilýän pagta çigidiniň bahasyny tassyklamak hakynda Karara gol çekdi. Bu barada «Watan» habarlary gepleşiginde habar berildi.

Resminama laýyklykda, pagta çigidiniň bir tonnasynyň bahasy 1000 manada deňdir. Ol ösümlik ýagyny öndürýän kärhanalara ýerleniler.

Bu Kararyň maksady pagta arassalaýjy kärhanalaryň girdejilerini artdyrmakdan, olaryň beýleki kärhanalar bilen maliýe-ykdysady gatnaşyklaryny kadalaşdyrmakdan hem-de pagta çigidiniň bahasyny durnukly ýagdaýda saklamakdan ybaratdyr.