«Türkmenistan ― parahatçylygyň we ynanyşmagyň Watany» ýylynyň maý aýynda geçirilmegi meýilleşdirilýän köpçülikleýin we medeni çäreleriň maksatnamasynyň çäklerinde Türkmenistanyň Söwda-senagat edarasynda 30 ― 31-nji maý aralygynda giň gerimli sergi guralar.

Sergi Türkmenistanyň Söwda we daşary ykdysady aragatnaşyklar ministrliginiň, Türkmenistanyň Dokma senagaty ministrliginiň, Türkmenistanyň Döwlet haryt-çig mal biržasynyň, «Türkmenhaly» döwlet birleşiginiň, Türkmenistanyň Söwda-senagat edarasynyň hem-de Türkmenistanyň Senagatçylar we telekeçiler birleşmesiniň bilelikde guramaklarynda geçiriler.

Mukaddes Garaşsyzlygymyzyň 30 ýyllygyna we baky Bitaraplygymyzyň 25 ýyllygyna bagyşlanyp guraljak bu köpugurly sergide ýurdumyzyň Söwda toplumynyň, şol sanda dokma senagaty ministrliginiň gazanan ösüşleri dürli önümleriň, eksport harytlarynyň üsti bilen görkeziler.