31-nji mart hormatly Prezidentimiz tarapyndan tassyklanan tertipnama laýyklykda ýurdumyzyň Daşoguz welaýatynda gowaça ekişine girişildi. Bu ýerde howa şertlerine laýyklykda, gowaça ekişi ýurdumyzyň beýleki welaýatlaryndan biraz giç başlandy.

«Türkmenistan ― parahatçylygyň we ynanyşmagyň Watany» ýylynda Daşoguz welaýatynda 155 müň gektara gowaça ekilip, şol ýerlerden «ak altynyň» 275 müň tonnasyny ýygnamak meýilleşdirilýär. Sebitde ekerançylar tarapyndan pagtanyň «Daşoguz-120», «Daşoguz-114», «Gubadag-3», «S-4727», «Jeýhun», «149 F» ýaly orta süýümli sortlary ekiler.