Ýakynda Türkmenistanyň Dokma senagaty ministrliginiň mejlisler jaýynda «Gender deňligi ― durnukly ösüşiň kepili» ady bilen baýramçylyk maslahaty geçirildi. Ýurdumyzyň Garaşsyzlygynyň şanly 30 ýyllygy, Aşgabat şäheriniň 140 ýyllygy mynasybetli geçirilen bu dabaraly çäräni Türkmenistanyň Zenanlar birleşiginiň Merkezi Geňeşi, Türkmenistanyň Kärdeşler arkalaşyklarynyň Milli Merkezi we Dokma senagaty işgärleriniň kärdeşler arkalaşygynyň Geňeşi bilelikde guradylar.

Maslahatda çykyş edenler Garaşsyzlygymyzyň 30 ýylynyň içinde ýurdumyzyň dürli ulgamlarynda gazanylan ösüşler, Aşgabat şäherimiziň Ginnesiň Bütindünýä rekordlar kitabyna ençeme gezek girizilen gözel binagärlik keşbi hakynda buýsançly gürrüň etdiler.

Dabaraly maslahat bilen ugurdaş ministrligiň edara binasynda ýurdumyzyň ösüşlerini açyp görkezýän sergi hem guraldy.