Türkmenistanyň Ministrler Kabinetiniň 19-njy martda geçirilen mejlisinde döwlet Baştutany gowaça ekişi möwsümine ak pata berdi.

Hökümet mejlisiniň barşynda Türkmenistanyň Prezidenti Gurbanguly Berdimuhamedow wise-premýer E.Orazgeldiýewiň ýurduň oba hojalykçylarynyň «ak altynyň» täze hasylynyň düýbüniň tutulyş möwsümine görülýän taýýarlyk baradaky hasabatyny diňledi.

Mejlisde nygtalyşy ýaly, gowaça ekişine ýurduň welaýatlarynyň dördüsinde 24-nji martda, Daşoguz welaýatynda 31-nji martda badalga berler.