Geçen hepdede Türkmenistanyň Döwlet haryt-çig mal biržasynyň söwdalarynda 46 geleşik hasaba alnyp, olaryň umumy bahasyABŞ-nyň 3,7 million dollaryna deň boldy.

Daşary ýurt puluna BAE-niň, Türkiýäniň, Ukrainanyň, Serbiýanyň, Gyrgyzystanyň, Azerbaýjanyň, Gazagystanyň täjirleri tekiz reňklenen we žakkard tüýjümek mata önümlerini, şeýle-de pagta ýüplügini satyn aldylar.

Manat serişdelerine Birleşen Arap Emirlikleriniň we Ermenistanyň telekeçileri tarapyndan pagta ýüplügi satyn alyndy.

Söwda geleşikleriniň barşynda daşary ýurt puluna we milli manada uçar kerosini, benzini, polipropilen, aýna listleri, portlandsement we beýleki önümler ýerlenildi.