Geçen hepdede Türkmenistanyň Döwlet haryt-çig mal biržasynyň söwdalarynda ýerli dokma önümleriniň uly toplumy ýerlenildi.

Daşary ýurt puluna Russiýanyň, Birleşen Arap Emirlikleriniň, Beýik Britaniýanyň, Türkiýäniň, Özbegistanyň we Gyrgyzystanyň telekeçileri nah ýüplügini we jins matalary satyn aldylar.

Manat serişdeleriniň hasabyna daşary ýurt işewürleri nah ýüplügi we haly önümlerini satyn aldylar. Geleşikleriň bahasy 3 million 604 müň manatdan gowrak boldy.

Ýurdumyzyň telekeçileri içerki bazar üçin bahasy 1 million 209 müň manatlykdan gowrak pagta süýümini satyn aldylar.

Birža söwdalarynyň barşynda ýerli we daşary ýurtly telekeçiler tarapyndan Türkmenbaşydaky nebiti gaýtadan işleýän zawodlar toplumynda, “Türkmengaz” we “Türkmenhimiýa” döwlet konsernlerinde öndürilen float aýna, portlandsement satyn alyndy.

Geleşikleriň bahasy ABŞ-nyň 109 million 678 müň dollaryndan gowrak boldy.