Türkmenistanyň Söwda-senagat edarasynda Türkmen-türk işewürlik geňeşiniň bilelikdäki maslahaty geçirildi. Wideoaragatnaşyk arkaly geçirilen maslahata iki ýurduň işewür toparlarynyň ýolbaşçylary gatnaşdy.

Has takygy, maslahata türkmen tarapdan Türkmenistanyň Söwda-senagat edarasynyň başlygy, Dokma senagaty, Senagat we gurluşyk, Energetika, Maliýe we ykdysadyýet, Söwda we daşary ykdysady aragatnaşyklar, Gurluşyk we binagärlik ministrlikleriniň, Türkmenistanyň Senagatçylar we telekeçiler birleşmesiniň wekilleri gatnaşdy.

Duşuşykda Türkiýe tarapyna Türkiýäniň Daşary ykdysady gatnaşyklar komitetiniň prezidenti, Türkiýe Respublikasynyň Türkmenistandaky Adatdan daşary we Doly ygtyýarly ilçisi, şeýle hem ministrlikleriň we bölümleriň wekilleri wekilçilik etdi.Duşuşykda Türkmenistanyň we Türkiýäniň işewür toparlarynyň wekilleri bilelikdäki iş meýilnamalaryny we şu ýyl meýilleşdirilýän çäreleri durmuşa geçirmek baradaky meýilnamalaryny, şeýle hem «Türkmen-türk we Türk-türkmen işewürler geňeşleriniň ýol kartasyny» mundan beýläk-de ösdürmegiň meýilnamalaryny ara alyp maslahatlaşdylar.

Döwletleriň arasyndaky duşuşygyň netijesinde maslahata gatnaşyjylar has netijeli hyzmatdaşlyk barada ylalaşyk gazandylar.