Ýakynda geçirilen Türkmenistanyň Ministrler Kabinetiniň nobatdaky mejlisiniň barşynda döwlet Baştutanymyzyň garamagyna Daşary söwda kärhanasynyň esasynda «Türkmendokma» ýapyk görnüşli paýdarlar jemgyýetini döretmek hakynda Kararyň taslamasy hödürlenildi.

Türkmenistanyň Prezidenti Karara gol çekip, türkmen dokmasynyň diňe bir içerki bazarda däl, eýsem daşarky bazarlarda hem bäsdeşlige ukyplylygyň artdyrdygyny belledi. Munuň özi pudagyň önümçilik binýadyna öňdebaryjy tehnologiýalaryň we dünýä tejribesiniň ornaşdyrylýandygyna esaslanýar.

«Türkmendokma» ýapyk görnüşli paýdarlar jemgyýeti dokma pudagynyň kärhanalarynyň işini mundan beýläk-de kämilleşdirmek maksady bilen döredilýär.